ભારતમાં તાજેતરમાં જ રશિયાના રાષ્ટ્રપ્રમુખ વ્લાદિમીર પુતિનની ભારત મુલાકાત બાદ હવે યુક્રેનના રાષ્ટ્રપ્રમુખ વોલોડિમિર ઝેલેન્સ્કી પણ જાન્યુઆરી-2026માં ભારતની મુલાકાતે આવી શકે છે. સૂત્રોના જણાવ્યા મુજબ, આ શક્ય ઝેલેન્સ્કી ભારત પ્રવાસ માટે ભારત અને યુક્રેનના અધિકારીઓ અનેક સપ્તાહોથી સક્રિય વાટાઘાટો કરી રહ્યા છે. આ કૂટનીતિક પહેલને ભારતની રશિયા–યુક્રેન યુદ્ધ વચ્ચેની સંતુલિત વિદેશ નીતિ તરીકે જોવામાં આવી રહી છે.
અહેવાલ મુજબ, Zelensky India Visit 2026 ઘણા મુદ્દાઓ પર નિર્ભર છે. એક તરફ અમેરિકાના રાષ્ટ્રપ્રમુખ ડોનાલ્ડ ટ્રમ્પની મધ્યસ્થતા સાથે રશિયા અને યુક્રેન વચ્ચે શાંતિ યોજના પર ચર્ચાઓ શરૂ થઈ રહી છે, તો બીજી તરફ ઝેલેન્સ્કી સરકાર એક મોટા ભ્રષ્ટાચાર કાંડને કારણે દબાણમાં છે.
રશિયા–યુક્રેન યુદ્ધની આર્થિક અસર ભારત પર પણ જોવા મળી છે. અમેરિકી રાષ્ટ્રપ્રમુખ ટ્રમ્પે ભારત પર 25% વધારાનો ટેરિફ લગાવ્યો છે. ટ્રમ્પનું કહેવું છે કે, ભારત સસ્તું રશિયન ક્રૂડ ઓઈલ ખરીદીને રશિયાનું યુદ્ધ મશીનરીને નાણાકીય મદદ પૂરી પાડી રહ્યું છે. જોકે ભારત પોતાની રાષ્ટ્રીય હિતો અને Energy Securityને પ્રાથમિકતા આપતું રહ્યું છે.
જો જાન્યુઆરીમાં ઝેલેન્સ્કીનો ભારત પ્રવાસ થાય છે, તો તે બંને દેશો વચ્ચેના India-Ukraine relations ને નવી દિશા આપશે અને દ્વિપક્ષીય સહકારને વધુ મજબૂત બનાવશે.
