ભારતીય શેર બજારમાં હાલ ભારે વેચવાલીનો માહોલ જોવા મળી રહ્યો છે અને વિદેશી પોર્ટફોલિયો રોકાણકારો સતત પોતાનું પૈસું બહાર ખેંચી રહ્યા છે. માર્ચના પહેલા 15 દિવસમાં જ FPI એ બજારમાંથી ₹52,704 કરોડ જેટલી મોટી રકમ બહાર કાઢી લીધી છે. આ આંકડો બજારમાં ફેલાયેલી ચિંતાને સ્પષ્ટ રીતે દર્શાવે છે.
ફેબ્રુઆરીમાં થયું હતું મોટું રોકાણ
આ પહેલા ફેબ્રુઆરી મહિનો બજાર માટે રાહત ભર્યો રહ્યો હતો. ફેબ્રુઆરીમાં FPIએ લગભગ ₹22,615 કરોડનું રોકાણ કર્યું હતું, જે છેલ્લા 17 મહિનામાં સૌથી ઊંચું સ્તર હતું.
પરંતુ હાલની સ્થિતિ સંપૂર્ણપણે બદલાઈ ગઈ છે. છેલ્લા કેટલાક મહિનાના આંકડાઓ પર નજર કરીએ તો વેચવાલીનો ટ્રેન્ડ વધુ સ્પષ્ટ બને છે.
ડિપોઝિટરીના આંકડા અનુસાર જાન્યુઆરીમાં ₹35,962 કરોડની વેચવાલી, ડિસેમ્બર 2025માં ₹22,611 કરોડની બહારવટ, નવેમ્બર 2025માં ₹3,765 કરોડની વેચવાલી , જ્યારે માર્ચમાં માત્ર 13 તારીખ સુધીમાં જ આ આંકડો ₹52,704 કરોડને પાર કરી ગયો છે.
વિદેશી રોકાણકારો પૈસા કેમ કાઢી રહ્યા છે?
માર્કેટ નિષ્ણાતોનું માનવું છે કે આ પાછળનું સૌથી મોટું કારણ પશ્ચિમ એશિયામાં વધતો ભૂ-રાજકીય તણાવ છે. ખાસ કરીને Strait of Hormuz જેવા મહત્વપૂર્ણ સમુદ્રી માર્ગ પર લાંબા સમય સુધી તણાવ રહેવાની શક્યતા રોકાણકારોની ચિંતા વધારી રહી છે. આ તણાવનો સીધો અસર કાચા તેલની સપ્લાય પર પડી રહ્યો છે.
Brent Crude Oil ની કિંમત હવે $100 પ્રતિ બેરલથી વધુ પહોંચી ગઈ છે. સાથે સાથે ભારતીય રૂપિયા પણ કમજોર બન્યો છે અને ડોલર સામે લગભગ ₹92ના સ્તર આસપાસ ટ્રેડ થઈ રહ્યો છે.
નિષ્ણાતો શું કહે છે?
જિયોજીત ઇન્વેસ્ટમેન્ટ્સના ચીફ ઇન્વેસ્ટમેન્ટ સ્ટ્રેટેજિસ્ટ V K Vijayakumar મુજબ મોંઘું કાચું તેલ અને કમજોર રૂપિયા ભારતની આર્થિક વૃદ્ધિ અને કંપનીઓની કમાણી પર અસર કરી શકે છે.
આ કારણે FPI નો વિશ્વાસ થોડો કમજોર થયો છે. છેલ્લા 18 મહિનામાં વિકસિત અને ઉદયમાન બજારોની તુલનામાં ભારતમાંથી રિટર્ન થોડું ઓછું મળ્યું છે.
આ કારણે હાલ વિદેશી રોકાણકારોને તાઇવાન, દક્ષિણ કોરિયા, ચીન ના બજારો વધુ આકર્ષક લાગી રહ્યા છે.
બોન્ડ યીલ્ડ પણ બન્યું એક કારણ
એન્જલ વનના સિનિયર ફંડામેન્ટલ એનાલિસ્ટ Waqar Javed Khan મુજબ વૈશ્વિક સ્તરે વધતી બોન્ડ યીલ્ડ પણ બજારમાં વેચવાલી વધવાનું એક મહત્વપૂર્ણ કારણ છે.
શું બજારમાં ફરી પૈસા આવશે?
વિશેષજ્ઞોનું માનવું છે કે FPI ની આ વેચવાલી કાયમી નથી અને તે શોર્ટ ટર્મ ટ્રેન્ડ હોઈ શકે છે. ફાઇનાન્શિયલ શેરોના ભાવ ઘટવાથી ઘરેલુ રોકાણકારો માટે વેલ્યુએશન વધુ આકર્ષક બન્યા છે.
માર્ચના બાકી દિવસોમાં બજારનું મૂડ સાવચેત રહી શકે છે. જો પશ્ચિમ એશિયામાં તણાવ ઓછો થાય અને બેન્કિંગ અથવા કન્ઝમ્પશન સેક્ટરની Q4 કમાણી અપેક્ષા કરતાં સારી આવે તો બજારમાં ફરી રોકાણ આવવાની શક્યતા છે.
પરંતુ જો કાચા તેલની કિંમતોમાં વધારો ચાલુ રહે અને વૈશ્વિક અનિશ્ચિતતા વધે તો વેચવાલીનો દબાવ આગળ પણ રહી શકે છે.
ડિસ્ક્લેમર: આ માહિતી માત્ર સમાચાર અને શૈક્ષણિક હેતુ માટે આપવામાં આવી છે. શેર બજારમાં રોકાણ બજારના જોખમો હેઠળ આવે છે. કોઈપણ રોકાણ કરતા પહેલા સર્ટિફાઇડ ફાઇનાન્સિયલ એક્સપર્ટની સલાહ લેવી જરૂરી છે.
