Neal Katyal : અમેરિકાની રાજનીતિ અને અદાલતી ઇતિહાસમાં એક મહત્વપૂર્ણ અને ચોંકાવનારો ફેરફાર જોવા મળ્યો છે. Supreme Court of the United States એ પૂર્વ રાષ્ટ્રપતિ Donald Trump ને મોટો ઝટકો આપતા તેમના દ્વારા લાદવામાં આવેલા ટેરિફ (આયાત શુલ્ક)ના નિર્ણયને સંપૂર્ણ રીતે રદ કર્યો છે. આ ઐતિહાસિક જીત પાછળ ભારતીય મૂળના દિગ્ગજ વકીલ Neal Katyal ની દલીલો અને કાનૂની કુશળતા મુખ્ય કારણ બની.
નીલ કાત્યાલે કોર્ટમાં એવી અસરકારક અને મજબૂત દલીલો રજૂ કરી કે અદાલતે સ્વીકારવું પડ્યું કે જનતા પર ટેક્સ અથવા ટેરિફ લગાવવાનો અધિકાર રાષ્ટ્રપતિને નહીં, પરંતુ માત્ર સંસદ (કોંગ્રેસ)ને જ છે.
 |
| neal-katyal-us-supreme-court-trump-tariff-decision |
નાના વેપારીઓની અવાજ બન્યા નિલ કાત્યાલ
આ કેસ માત્ર કાનૂની લડત નહોતો, પરંતુ નાના વેપારીઓના હકો માટેની લડત હતી. અનેક નાના વેપારીઓ એકજૂટ થઈ આ મુદ્દાને સુપ્રીમ કોર્ટ સુધી લઈ ગયા હતા. નીલ કાત્યાલે કોર્ટમાં 1977ના ‘ઇન્ટરનેશનલ ઇમર્જન્સી ઇકોનોમિક પાવર્સ એક્ટ’ (International Emergency Economic Powers Act) નો ઉલ્લેખ કરીને દલીલ કરી કે આ કાયદા હેઠળ પણ રાષ્ટ્રપતિને અનિયંત્રિત રીતે ટેરિફ લગાવવાનો અધિકાર મળતો નથી.
My statement:
— Neal Katyal (@neal_katyal) February 20, 2026
“Today, the U.S. Supreme Court stood up for the rule of law and Americans everywhere. Its message was simple: Presidents are powerful, but our Constitution is more powerful still. In America, only Congress can impose taxes on the American people.
The US Supreme…
“આજે અમેરિકામાં કાયદાનું શાસન સર્વોચ્ચ હોવાનું સાબિત થયું છે. રાષ્ટ્રપતિ ભલે કેટલા પણ શક્તિશાળી હોય, તેઓ સંવિધાનથી ઉપર નથી.”
જાણો કોણ છે ભારતીય મૂળના નીલ કાત્યાલ?
નીલ કાત્યાલ અમેરિકાના કાનૂની ક્ષેત્રમાં એક જાણીતું અને પ્રભાવશાળી નામ છે. તેમની જીવનકથા ખૂબ પ્રેરણાદાયક છે:
- ભારતીય મૂળ
નીલના માતા-પિતા ભારતમાંથી અમેરિકા સ્થાયી થયા હતા. તેમનો જન્મ અમેરિકાના શિકાગો શહેરમાં થયો હતો.
- કારકિર્દીનો માર્ગ
તેમના માતા-પિતા ડોક્ટર અને ઇજનેર હતા, પરંતુ નીલે પોતાની કારકિર્દી માટે વકીલાતનો માર્ગ પસંદ કર્યો.
- શિક્ષણ
તેમણે વિશ્વપ્રસિદ્ધ Yale Law School માંથી કાનૂનની ડિગ્રી મેળવી છે.
- ઓબામા સાથે જોડાણ
2010માં બરાક ઓબામાના કાર્યકાળ દરમિયાન તેમને ‘એક્ટિંગ સોલિસિટર જનરલ’ તરીકે નિયુક્ત કરવામાં આવ્યા હતા. તેઓ જસ્ટિસ સ્ટીફન બ્રેયર સાથે પણ કામ કરી ચૂક્યા છે.
દુનિયાના પ્રભાવશાળી વકીલોમાં સ્થાન
નીલ કાત્યાલની સિદ્ધિઓ અત્યંત નોંધપાત્ર છે. તેઓ અમેરિકાની સુપ્રીમ કોર્ટમાં સૌથી વધુ કેસ લડનાર પ્રથમ અલ્પસંખ્યક વકીલ તરીકે ઓળખાય છે.
તે ઉપરાંત, તેમણે ‘Voting Rights Act’ અને ટ્રમ્પના વિવાદાસ્પદ ‘Travel Ban’ સામે પણ મજબૂત લડત લડી હતી. કાનૂની ક્ષેત્રમાં તેમના યોગદાન બદલ તેમને અમેરિકાના ન્યાય વિભાગ તરફથી નાગરિક સન્માન મળ્યું છે.
વિખ્યાત મેગેઝિન Forbes એ પણ તેમને વિશ્વના સૌથી પ્રભાવશાળી વકીલોની યાદીમાં સ્થાન આપ્યું છે.
નીલ કાત્યાલની આ જીત સાબિત કરે છે કે મજબૂત ઇરાદા અને કાયદાની ઊંડી સમજ સાથે સત્તાના મોટા નિર્ણયો સામે પણ સફળતાપૂર્વક લડાઈ લડી શકાય છે.
Read More : Epstein Files UK વિવાદ વચ્ચે Shabana Mahmood PM Candidate મજબૂત દાવેદાર
